-33-

ಒಂದು ಬಸ್ . ಅಲ್ಲಿ ಒಂದು ಕಿಟಕಿಯ ಬಳಿ ಇಬ್ಬರು ಹೆಂಗಸರು.

ಒಬ್ಬಳು ಹೇಳುತ್ತಾಳೆ - ಈ ಕಿಟಕಿ ಹಾಕಿಬಿಡಿ. ಈ ಚಳಿಗಾಳಿಗೆ ನಾನು ಸತ್ತೇ ಹೋಗುವೆ.

ಇನ್ನೊಬ್ಬಳು ಹೇಳಿದಳು. - ಕಿಟಕಿ ತೆರೆದೇ ಇರಲಿ. ಗಾಳಿ ಇಲ್ಲದೆ ನಾನು ಉಸಿರುಗಟ್ಟಿ ಸತ್ತೇ ಹೋದೇನು

ಪಾಪ , ಆತ ಏನು ಮಾಡಬೇಕು? ಸಹಾಯಕ್ಕೆ ಅತ್ತಿತ್ತ ನೋಡಿದ.

ಅಲ್ಲಿದ್ದ ಒಬ್ಬ ವ್ಯಕ್ತಿ ಹೇಳಿದ - ಅದೇನು ಮಹಾ ಸಮಸ್ಯೆ ? ಹೀಗೆ ಮಾಡು , ಮೊದಲು ಕಿಟಕಿ ತೆರೆದು ಇಡು , ಒಬ್ಬಳು ಸತ್ತುಹೋಗುತ್ತಾಳೆ . ಆಮೇಲೆ ಅದನ್ನು ಹಾಕಿಬಿಡು , ಇನ್ನೊಬ್ಬಳು ಸತ್ತುಹೋಗುತ್ತಾಳೆ ! ಸಿಂಪಲ್ !!

-34-

ರೇಲ್ವೆ ನಿಲ್ದಾಣದಲ್ಲಿ ಆಗತಾನೇ ಚಲಿಸಲು ಆರಂಭಿಸಿದ ರೈಲಿನತ್ತ ಒಬ್ಬ ಓಡಿ ಹೋದ . ರೈಲು ವೇಗ ಹೆಚ್ಚಿಸಿಕೊಂಡು ಹೋಗಿಯೇ ಬಿಟ್ಟಿತು. ಅಂವ ಏದುಸಿರು ಬಿಡುತ್ತ ನಿಂತ.

ಅಲ್ಲಿದ್ದವರೊಬ್ಬರು ಕೇಳಿದರು- ರೈಲು ತಪ್ಪಿಸಿಕೊಂಡ್ರಾ ?

ಅಂವ ಹೇಳಿದ - ಇಲ್ಲಪ್ಪ , ಅದನ್ನು ನಿಲ್ದಾಣದಿಂದ ಹೊರಗೆ ಓಡಿಸಿಬಿಟ್ಟೆ !

-35-

ಯುವಕನೊಬ್ಬ ಒಬ್ಬ ಹಿರಿಯರ ಹತ್ತಿರ ಹೋಗಿ ತಡವರಿಸಿದ - ಸರ್ ,… ಅದು … ನಾನು …ನೀವು.. ತಪ್ಪು ತಿಳಿಯುವುದಿಲ್ಲ ಅಂದರೆ. .

- ಮದುವೆ ತಾನೇ ? ನನ್ನ ಸಮ್ಮತಿ ಇದೆ..

- ಸರ್ ? ಯಾರ ಮದುವೆ ? ಯಾರ ಜೊತೆ ?

- ಇನ್ನಾರದು ? ನಿನ್ನದೇ ! ನನ್ನ ಮಗಳ ಜೊತೆ . ನೀನು ನನನ್ನ ಮಗಳನ್ನ ಪ್ರೀತಿಸ್ತೀ , ಅಲ್ಲವೇ ?

-ಇಲ್ಲ ಸರ್ , ನನಗೆ ಅರ್ಜಂಟಾಗಿ 10000 ರೂಪಾಯಿ ಬೇಕಿತ್ತು ಅಂತ ಕೇಳುವುದಕ್ಕೆ ಬಂದಿದ್ದೆ.

-36-

ಇಬ್ಬರು ಗೆಳೆಯರ ಮಾತುಕತೆ

-ಸ್ವಲ್ಪ ಪೆನ್ನು ಕೊಡ್ತೀಯಾ ?

-ತಗೋ

-ಬಿಳಿ ಕಾಗದ ?

-ಇದೋ

-ಕವರು ಇದೆಯೋ?

-ಇದೆ, ತಗೋ

- ಸ್ಟ್ಯಾಂಪ್ ?

-ಅದೂ ಇದೆ. ತಗೋ

-ನೀನು ಹೊರಗೆ ಹೋದಾಗ ಎಲ್ಲಾದರೂ ಅಂಚೆಡಬ್ಬಿ ಸಿಗುತ್ತೋ ? ಈ ಕವರ್ ಅದರಲ್ಲಿ ಹಾಕ್ತೀಯಾ ?

-ಹಾಗೆಯೇ ಆಗಲಿ

-ನಿನ್ನ ಗೆಳತಿಯ ಮನೆವಿಳಾಸ ಸ್ವಲ್ಪ ಹೇಳ್ತೀಯಾ ?

-?!