ಪ್ರೀತಿಯ ನಡುವೆ ಬಾಳಿನಲಿ ದ್ವೇಷ ಹರಡದಿರು ಮನವೆ

ಪ್ರೇಮದ ಸಲುಗೆಯ ನಡೆಗೆ ವಿಷವನು ಕಾರದಿರು ಮನವೆ

 

ಬಂಧುಗಳು ಕೈಹಿಡಿಯಲು ಬಂದರಿಂದು ಓಡುವಿ ಏತಕೆ

ಕರುಣೆಯು ಇಲ್ಲದವರಲ್ಲಿ ಸ್ನೇಹವ ಮಾಡದಿರು ಮನವೆ

 

ಉರಿಬೇಗೆಯ ಹೃದಯದೊಳು ತಂಪದುವು ಇಲ್ಲವೇನು

ಬಾಳಿನಲ್ಲಿಯ ಕೆಸರೊಳಗೆ ಕಾಲುಗಳ ಊರದಿರು ಮನವೆ

 

ಲೋಭಿಯಾದವನ ಸಂಗಡ ಮತ್ತೊಮ್ಮೆ ಯಾಕೆ ಹೋಗುವೆ

ತಾಮಸ ಗುಣದವಿರುವನ ಮಾತಿಗೆಂದೂ ಬಾಡದಿರು ಮನವೆ

 

ಉಪದೇಶದ ನಡುವೆಯೇ ನೆಲವನು ಒದ್ದು ಹೋದನೇ ಈಶಾ

ನಿರ್ದಯ ಧ್ವನಿಯವರ ಜೊತೆಗೆ ನೀನೆಂದೂ ಸೇರದಿರು ಮನವೆ

-ಹಾ ಮ ಸತೀಶ ಬೆಂಗಳೂರು

ಚಿತ್ರ ಕೃಪೆ: ಇಂಟರ್ನೆಟ್ ತಾಣ