ಮರುಗುತಿದೆ ನೋಡಿಲ್ಲಿ ನಮ್ಮ ಕನ್ನಡ ಸ್ಥಿತಿಯು

ಪರ ಭಾಷೆ ಸಂಸ್ಕೃತಿಗೆ ಛಾಪೆ ಹಾಸಿದ ರೀತಿಯು

ರಾಜಧಾನಿಯಲಿ ಭಾಷಾ ಪ್ರೇಮವು ಎಲ್ಲಿಹುದೊ

ಕೇಳು ಪಂಡಿತನ ರೀತಿಯಲ್ಲೇ ಕನ್ನಡದ ಗತಿಯು

ಗಡಿನಾಡಿನಲ್ಲಿ ಹೊರನಾಡಿನ ಭಾಷೆಗೇ ಮಾನ್ಯತೆಯೆ

ಭಾಷೆಯ ರಕ್ಷಿಪರಿಗೆ ಎಂದಿಗೆ ಬರುವುದೊ ಮತಿಯು

ಆಂಗ್ಲ ಮಾಧ್ಯಮದ ಜನರ ಹುಚ್ಚಿಗೆ ಕನ್ನಡ ನಿರ್ನಾಮ

ಹಸುರಿನ ನೆಲದಲ್ಲಿ ನಮ್ಮ ನುಡಿಗೆ ಇಹುದು ಮಿತಿಯು

ಧ್ವನಿಯ ಎತ್ತುವರನ್ನು ಬಂಧನದಲ್ಲಿ ಇರಿಸುವರು ಈಶಾ

ಬೆಂಗಳೂರಿನಲ್ಲಿ ಆಗುತಿದೆ ಕನ್ನಡಿಗನಿಗೆ ನಿತ್ಯ ತಿಥಿಯು

ಹಾ ಮ ಸತೀಶ ಬೆಂಗಳೂರು