ಚರಿಯೆ* ನೋಡಿ ಮನದಾಳವ 

ಅರಿಯುಬೇಕು ಚತುರರು!

ಅರಳದ ಕೇದಗೆ ಪರಿಮಳವನು

ಅರಿವಂತೆ ಅಲರುಣಿ**ಗಳು!

ಸಂಸ್ಕೃತ ಮೂಲ:

ಆಕಾರಾಣೈವ ಚತುರಾಃ ತರ್ಕಯಂತಿ ಪರೇಂಗಿತಂ

ಗರ್ಭಸ್ಥಂ ಕೇತಕೀ ಪುಷ್ಪಂ ಆಮೋದೇನೇವ ಷಟ್ಪದಾಃ

*ಕೊ:ಚರಿಯೆ ~= ಚರ್ಯೆ, ಚಹರೆ, ಹೊರಕ್ಕೆ ತೋರುವ ನಡವಳಿಕೆ

**ಕೊ.ಕೊ: ಮೂಲದಲ್ಲಿ ದುಂಬಿ, ಚಿಟ್ಟೆಗಳಿಗೆ ಷಟ್ಪದಾ: = ಆರು ಕಾಲಿನ "ಜೀವಿ"ಗಳು ಎಂದು ಹೇಳಿದ್ದರೆ, ಅನುವಾದದಲ್ಲಿ ನಾನು ["ಜೀವಿ"ಯವರ ನಿಘಂಟು ಬಳಸಿ] ಅಲರುಣಿ =ಹೂವನ್ನು ಆಹಾರ ಮಾಡಿಕೊಳ್ಳುವ, ಎನ್ನುವ ಪದವನ್ನು ಬಳಸಿರುವೆ.

-ಹಂಸಾನಂದಿ